චීන ඔස්ටේ‍්‍රලියානු සම නිෂ්පාදන කථාන්තරය

පරිවර්තනය : වින්ධ්‍යා ගමගේ

දිනෙන් දින වර්ධනය වන චීන සුපිරි බලවත්භාවයට සහ ඔවුන්ගේ දැවැන්ත ලෙස මුදල් ජනනය කරන චිත‍්‍රපට ස`දහා ඔස්ටේ‍්‍රලියාව රුචිකත්වයක් දක්වයි. මේ තුළින් ඔස්ටේ‍්‍රලියානු සිනමාව යළිත් හැඩගස්වන බව පෙනේ. මෙයට හේතුව ලාභදායි සම නිෂ්පාදන ස`දහා ඔස්ටේ‍්‍රලියානු සිනමාකරුවන් තුළ ඇති ආකර්ෂණය බව පෙනේ.

දැවැන්ත සටන් කලා චිත‍්‍රපටයක් වන ‘වුල්ෆ් වොරියර් 2’ චිත‍්‍රපටය චීනය තුළ ප‍්‍රදර්ශනය කිරීමෙන් ඇ.ඩො. මිලියන 854 ඉපයීමට සමත්විය. එය මේතාක්, යම් රටක් තුළ දෙවන තැනට, වැඩිම මුදලක් ඉපයූ චිත‍්‍රපටය බවට පත්විය. එම`ගින් කාරණා දෙකක් සිදුවිය. පළමුවැන්න නම් චීනය සිනමා පේ‍්‍රක්‍ෂකාගාරය ආර්ථිකමය වශයෙන් කොතරම් ශක්තිමත් දැයි නැවතත් පැහැදිලි වීමයි. ඒ නිසාම එයින් උද්දාමයට පත් විචාරකයන් කියා සිටියේ මේ තුළින් මෙතෙක් විශාලතම සිනමා වෙළෙ`දපොළ ඇති රට ලෙස අභිශේක ලැබූ උතුරු ඇමරිකාවට එම තත්ත්වය අහිමි වන බවයි. දෙවැන්න නම් එම චිත‍්‍රපටයේ ඇතුළත් වූ ජාතිකවාදී මුඛ්‍යාංග පිළිබ`දව විචාරකයන් නොනවත්වාම කථා බහ කිරීමයි.

එක් විචාරකයෙකු මෙම චිත‍්‍රපටය පීරමින් ඒ තුළ ඇති චීන භූ දේශපාලන උපායමාර්ග සොයත්දී, ඔස්ටේ‍්‍රලියානු පුවත්පතක් කියා සිටියේ ඒ තුළ කොමියුනිස්ට්වාදී ප්‍රොපගැන්ඩාවක් ඇති බවයි. එම විචාරකයා මෙම අදහස දැක්වීම සදහා චිත‍්‍රපටයේ කූඨප‍්‍රාප්ති අවස්ථාවක් නිදසුනක් ලෙස දක්වයි. එනම් සධාචාරමය වශයෙන් නිර්දෝෂි, හිටපු ජනතා විමුක්තිකාමී සොල්දාදුවෙකු විසින් දයා විරහිත, වස්තු තෘෂ්ණාව ඇති ඇමරිකානුවෙකුගේ මොළයට පිහියෙන් ඇනීමයි. කලකට ඉහතදී ‘සංස්කෘතික අධිරාජ්‍යවාදය’ හුවා දක්වන්නේ යැයි හොලිවුඞ් චිත‍්‍රපටවලට චෝදනා එල්ල වුවත්, මයිකල් බේගේ චිත‍්‍රපටවල මහත් උද්යෝගයෙන් ඇමරිකන් කොඩිය ලෙළවීම දැන් කොතරම් හුරු පුරුදුද කිවහොත් එය පේ‍්‍රක්‍ෂක දෑසට නොපෙනෙන තරම් අදෘෂ්‍යමානවී ඇත. එහෙත් චීන චිත‍්‍රපටවලදී මෙසේ චීන සංස්කෘතික අධිරාජ්‍යවාදය මතුවෙද්දී ඒ ස`දහා වැඩිදෙනකුගේ අවධානය යොමු වනබව පෙනේ.
මේ චිත‍්‍රපටයට ලැබුණු ප‍්‍රතිචාරය, ලෝක සුපිරි බලවතෙකු ලෙස චීනයට ඇති ස්ථාවරය හා එරටෙහි සිනමාව විසින් හුවාදැක්වීමට තැත් කරන සංස්කෘතික බලපෑම වෙනුවෙන් ලද අප‍්‍රසන්න දර්ශකයක් ලෙස දැක්විය හැක. චීන සිනමා ආර්ථිකයට මුදල් ඉපයීමට ඇති හැකියාව කිසිසේත්ම ප‍්‍රතික්‍ෂේප කළ නොහැක. එහෙත් බටහිර සිනමාකරුවන් චීන සිනමාව හා පැටලෙන්නේ නම් තම නිර්මාණය චීන සිනමා බලධාරීන් තුළින් වාරණයට ලක් නොවන ලෙස සිදුකිරීමට වග බලාගත යුතුය. ඔස්ටේ‍්‍රලියානු සිනමා කර්මාන්තය දැනටමත් චීනයට ගැලපෙන ලෙස තම චිත‍්‍රපට ප‍්‍රමිතකරණය අරඹා ඇති අතරම මේ දක්වා ඒ සදහා මිශ‍්‍ර ප‍්‍රතිඵල ලැබී ඇත.

‘‘අපි චීනුන්ට අපේ චිත‍්‍රපට විකුණන්නේ, ඒවා හොලිවුඞ් චිත‍්‍රපට යැයි කියමින්, එහෙත් සැබෑව නම් ඒවා ඔස්ටේ‍්‍රලියානු චිත‍්‍රපට බවයි.’’
හොලිවුඩය කෙරෙහි චීනය විසින් ඇති කරන බලපෑම සුළු වශයෙන් දැනටමත් දක්නට ඇත. නිදසුනක් ලෙස ‘ට‍්‍රාන්ස්ෆෝමර්ස්’ සහ ‘එක්ස්මෙන්’ වැනි දැවැන්ත චිත‍්‍රපට තුළ ප‍්‍රකට චීන නළුවන් කෙටි රංගනයකින් (Cameo) දායක වීම, මෙන්ම ‘අයන් මෑන්3’ චිත‍්‍රපටයට වැඩිපුර මිනිත්තු කිහිපයක් එක්කරමින් එහි චීන සංස්කරණයක් සකස් කිරීම දැක්විය හැක. කෙසේ නමුත් මෙම බලපෑමෙහි දැවැන්තම පියවර වන්නේ චීන සම – නිෂ්පාදන සදහා ප‍්‍රවේශ වීමයි. එනම් ජාත්‍යන්තර නිෂ්පාදකයන්, චීන රාජ්‍ය සිනමා බලධාරීන් සමග එක්ව ව්‍යාපෘති දියත් කිරීමයි. මේ තාක් මෙවැනි නිෂ්පාදන, තුළින් මිශ‍්‍ර ප‍්‍රතිඵල ලබාදී ඇත. 2017 ඇමරිකානු – චීන සම නිෂ්පාදනයක් වූ ‘ගේ‍්‍රට් වෝල්’ චීනය තුළ මධ්‍යස්ථ ප‍්‍රතිචාර ලබාදෙත්දී, ඇමරිකාව තුළ ව්‍යාකූලත්වයක් ඇති කළේය. මෙයට හේතුවූයේ පුරාතන චීන කථාවක් මැදට මැට් ඩිමන් නම් හොළිවුඞ් නළුවා යෙදීම තුළින් එම නිර්මාණය ‘සුණුවම්’ (Whitewash) කිරීම එනම් සුදු ජාතිකයෙකු යොදාගනිමින් තමන් කිසිසේත්ම නියෝජනය නොකරන සංස්කෘතියක් නිරූපණය කිරීමවේ. අනාගත දැවැන්ත සිනමා මොඩලයක් ලෙස මෙම චිත‍්‍රපටය විශ්වසනීයත්වයක් ගොඩගැනීමට අපොහොසත්විය. ‘ගේ‍්‍රට් වෝල්’ තුළින් ඇමරිකන් හා චීන යන පේ‍්‍රක්‍ෂකාගාරද තම ඉලක්කගත කළත් ඉන් එකක්වත් තෘප්තිමත් කිරීමට එයට නොහැකිවූ බව මාධ්‍ය වාර්තා පෙන්වා දේ.

ඔස්ටේ‍්‍රලියානු සිනමා කර්මාන්තය චීනය සමග සූදු කී‍්‍රඩාවකට එළඹ ඇත. 2017 ඔස්ටේ‍්‍රලියානු සිනමා හා රූපවාහිනී කලා ආයතනය (AACTA) මගින් වාර්ෂිකව හොදම ආසියානු චිත‍්‍රපටය සදහා සම්මාන ලබාදීමේ වැඩපිළිවෙළක් ආරම්භ කළේය. මේ තුළින් ආසියානු සිනමා කර්මාන්තය පිළිබද ඔස්ටේ‍්‍රලියාවේ දැඩි බැදීම මෙන්ම චීන ඩයස්පෝරාව, දේශීය බොක්ස්ඔෆිස් වාර්තා සදහා ඇති කරන වර්ධනීය බලපෑමේ නැඹුරුතාව විදහා දක්වයි.

(මෙහිදී වුල්ෆ් වොරියර් 2 සම්මානය සදහා යෝජනා වුවත් සම්මානය හිමිවූයේ ‘දන්ගල්’ නම් ඉන්දියානු චිත‍්‍රපටයටයි.) ඉකුත් නොවැම්බරයේදී ඔස්ටේ‍්‍රලියානු – චීන සම නිෂ්පාදන ගිවිසුමට දසවසරක් සපිරුණි. මේ යටතේ චිත‍්‍රපට 8කට සම්බාධක පැනවුණ අතර 4ක් නිකුත් විය.

මේ අතර දේශීය සිනමාහල්වලට පැමිණි අලූත්ම නිර්මාණය වන්නේ ‘ගාඩියන් ඔෆ් ටොම්බ්’ චිත‍්‍රපටයයි. එය උද්යෝගිමත් වුවත් හරසුන් සත්වයන් පිළිබද චිත‍්‍රපටයකි. එහි ජාත්‍යව්තර නළුවන් ලෙස කෙල්සි ග‍්‍රැමර් ර`ගන අතර ඔහු පුරාතන චීන රජෙකුගේ සොහොනක් තුළ මර උගුලකට හසුවී සිටියදී මකුණන්ගෙන් අනතුරට පත්වන චරිතයක් නිරූපණය කරයි. මෙම ‘ටොම්බ්’ චිත‍්‍රපටය ජාත්‍යන්තර චිත‍්‍රපට විකුණුම් හා ඒ සදහා මුදල් යෙදවීම් සිදුකරන සමාගමක් වන ‘ආක්ලයිට්’ ආයතනය ම`ගින් බිහිවන්නකි. මෙම ආයතනය 2012 වසරේදී මෝරුන් සම්බන්ධව ‘බේට්’ නම් ති‍්‍රමාණ චිත‍්‍රපටය නිපදවා, බලාපොරොත්තු නොවූ විරූ ලෙස ඩොලර් මිලියන 28 ක මුදලක් උපයන ලදී. එදා සිට ඕස්ටේ‍්‍රලියාව, චීනය සහ හොලිවුඩය යන තුනටම පොදු ඉඩ හසරක් ලබා ගෙන එහි අයිතිය තහවුරු කරගනිමින් ‘ස්කී‍්‍රන් ඔස්ටේ‍්‍රලියා’ සමාගමේද සහය ඇතිව ‘ආක් ලයිට්’ සමාගම විසින් ‘චයිනා ලයිට්’ නමින් සම නිෂ්පාදන වැඩපිළිවෙළක් අරඹන ලදී.

‘ආක්ලයිට්’ හි ඔස්ටේ‍්‍රලියානු ප‍්‍රධාන විධායක නිළධාරී ගැරී හැමිල්ටන්ට අනුව ‘චීනය හොලිවුඩයට ප‍්‍රවේශ වීමේ දොරටුවක් ලෙස ඕස්ටේ‍්‍රලියාව කි‍්‍රයාකරයි. ‘ගාඩියන් ඔෆ් ටොම්බ්’ වැනි අපේ චිත‍්‍රපට හැබවින්ම ඔස්ටේ‍්‍රලියානු ඒවා වුවත් අපි ඒවා ඔස්ටේ‍්‍රලියානු චිත‍්‍රපට ලෙස නම්කරන්නේ නැහැ. අපි චීනුන්ට අපේ චිත‍්‍රපට විකුණන්නේ හොලිවුඞ් චිත‍්‍රපට යැයි කියමින් වුණත් සැබෑව නම් ඒවා ඔස්ටේ‍්‍රලියානු චිත‍්‍රපට බවයි.’’

එහෙත් මේ රහසිගත ඔස්ටේ‍්‍රලියානු චිත‍්‍රපට දේශීය පාර්ශ්වකරුවන් වෙත දේශීය කර්මාන්තයක් තුළින් දේශීය නොවන පේ‍්‍රක්ෂකාගාරයක් සදහා චිත‍්‍රපට නිපදවීම සහ ඉතා සුළු වශයෙන් දේශීය කථාවක් රැගත් නිර්මාණයක් කිරීම යන කාරණා දෙක අතර මැද මාවතක් ගොඩනගා ඇත. නිදහසුනක් ලෙස ‘ගාඩියන් ඔෆ් ටොම්බ්’ සදහා නිෂ්පාදනය හා සැකසීමේ සහය ‘ස්කී‍්‍රන් ඔස්ටේ‍්‍රලියා’ තුළින් ලැබුණත් එමගින් වැඩි සැලකිල්ලක් ලබා දුන්නේ චීන වෙළෙ`දපොළටයි. කෙසේ නමුත් මෙම චිත‍්‍රපටය චීන සිනමාහල් 2050ක් සදහා විවෘත්ත වෙද්දී, ඔස්ටේ‍්‍රලියාවේ තිරගත වූයේ ශාලා 12ක පමණි. එසේ නම් පිටරටක ‘දුවන’ හෝ ‘නොදුවන’ චිත‍්‍රපට ස`දහා ජනතාවගේ මුදල් යොදවන්නේ ඇයි?

දින 3ක චීනයේ කළ රූගත කිරීම් හැරෙන්නට ‘ටොම්බ්’ චිත‍්‍රපට සම්පූර්ණයෙන්ම රූගත කරනු ලැබුවේ ඔස්ටේ‍්‍රලියාවේයි. එහි අධ්‍යක්‍ෂකරවයා, රචකයා වගේම බොහොමයක් නළු නිළියනුත් ඔස්ටේ‍්‍රලියානුවන් මම හිතන්නේ එය තමා මෙතැන තිබෙන හුවමාරු කර ගැනීම. ඔබ ඔස්ටේ‍්‍රලියානුවන් ගෙවන බදු මුදලින්ල ඔස්ටේ‍්‍රලියානු වෙළෙදපොළ සදහා ඔස්ටේ‍්‍රලියානු චිත‍්‍රපටයක් නිර්මාණ කරනවා නම් එය සහනාධාරයක් පමණයි. හේතුව එයට යොදවන මුදල් නැවතත් ඉපයිය නොහැකි තත්ත්වයක් තිබෙන නිසායි. බොහොමයක් ඔස්ටේ‍්‍රලියානු චිත‍්‍රපට අපනයනය නොකළහොත් ඒවාට පැවැත්මක් නැහැ. ‘ලයන්’ වගේ චිත‍්‍රපටයක් හැර, අනෙක් බොහොමයක් ඔස්ටේ‍්‍රලියානු චිත‍්‍රපටවල දේශීය කථා ඇත්නම්, ඒවා අලෙවි නොවන දේ බවට පත්වෙනවා.’’
‘‘ගාඩියන් ඔෆ් ටොම්බ්’’ හි දේශිය කථාවක් සුළුවශයෙන් ඇතුළත් වී තිබේ. එහිදී ප‍්‍රමුඛත්වය දී ඇත්තේ ප‍්‍රධාන නළුවා වන චීන ජාතික ලී බින්ග් බින්ග්, ඇමරිකානු ජාතික ග‍්‍රැමර්ට, කෙලර් ලට්ස් සමග සහය නළු චරිතය රගන ඔස්ටේ‍්‍රලියානු ජාතික ශේන් ජෙකොබ්සන්ටයි. ඉතා පහසුවෙන් හ`දුනාගත හැකි ලෙස ඔස්ටේ‍්‍රලියානුවන් හා වෙළෙ`ද කටයුතු සිදුකරන අවස්ථාවක් පිළිබද පූර්ව හදුන්වාදීමක් තුළයි.

එක් කුඩා ඉගියක් තුළින් චිත‍්‍රපට විසින් එහි මූලික හරය වූ තම ජාතිකත්වයේ ගර්වය පෙන්වීමට උත්සාහ කරයි. එනම් චීන කාන්තාරයක් තුළ කොහෙත්ම බලාපොරොත්තු විය නොහැකි ලෙස ෆ්නල් වෙබ් මකුළුවන් දර්ශනය කිරීමයි. (මෙම මකුළු විශේෂයේ උප කුල වල සියලූ සමාජිකයන් ඔස්ටේ‍්‍රලියාවට ආවේනික වේ.) එසේම මෙවැනි චිත‍්‍රපටයක් නිපදවීම තුළින්ද මෙසේ ඉතිහාසයේ සිටම සිදුවන සංස්කෘතික හුවමාරුව පිළිබදව පෙන්වා දේ. සම නිෂ්පාදනයක් ලෙස, ගාඩියන් ඔෆ් ටොම්බ්, චීනයේ ආනයන කෝටා සීමාව ඉක්මවා නොයයි. (අවුරුද්දක් පිටරට චිත‍්‍රපට 34ක පමණක් ප‍්‍රදර්ශනය කිරීමට එරට අවසරදි ඇත.)

චින බොක්ස් ඔෆීස් ඉපයුම සාමාන්‍යයෙන් විදේශීයකයන්ට ලබාදෙන ප‍්‍රමාණයට වඩා වැඩිපුර ප‍්‍රමාණයක් සිය විදේශීය උදව්කරුවන් සදහා ඉපයුම ලෙස ලබාදේ. (25% වෙනුවට 42% ප‍්‍රමාණයක් ලබාදේ) ටොම්බ් චිත‍්‍රපටයේ මංගල ප‍්‍රදර්ශනය චීන සිනමාහල් 2500ක ප‍්‍රදර්ශනය කෙරුණි. මෙය මුළු ඔස්ටේ‍්‍රලියාවේම ඇති සිනමාහල් සංඛ්‍යාව අභිබවා යයි. ඒ නිසා මේතුළින් ලැබෙන ආර්ථික ප‍්‍රතිලාභය ඉතා පැහැදිලිවේ. විශේෂයෙන්ම මෙම`ගින් ඔස්ටේ‍්‍රලියාවට ලැබෙන රැකියා අවස්ථා ප‍්‍රමාණය නිසා එහි වැදගත්කම තව තවත් වැඩිවේ.

‘බිලීඩිං ස්ටීල්’ (2012) නම් ජැකී චෑන්ගේ චිත‍්‍රපටය නිළවශයෙන් පිළිගත් සම නිෂ්පාදනයක් නොවුණත් ඒ සදහා ඔස්ටේ‍්‍රලියාවේ සහයෝගය හිමිවිය. සිඞ්නි නගරයේ රූගත කළ මෙම චිත‍්‍රපටය, මෙතෙක් චීනය වැඩිම මුදලක් වැය කර තැනූ චිත‍්‍රපටයයි. ඔස්ටේ‍්‍රලියානු රජයේ ‘ Made in NSW’ අරමුදල යටතේ එරටට ලැබුණු ඔස්ටේ‍්‍රලියාවේ රූගත කළ, මෙම සිනමා නිර්මාණය, නිෂ්පාදනයේදී රැුකියා අවස්ථා 200 පමණ ජනනය වනු ඇතැයි ප‍්‍රකාශ විය.
‘ගේට් වොල්’ චිත‍්‍රපටිය මෙන්ම ‘බ්ලීඩිං ස්ටීල්’ හා ‘ගාඩියන් ඔෆ් ටොම්බ්’ යන චිත‍්‍රපට දෙක ස`දහාම චීන බොක්ස් ඔෆිස්හි මෘදු ප‍්‍රතිචාරයක් ලැබුණි. මේ වසරේ ජනවාරි මාසය වන විට ජැකී චෑන්ගේ චිත‍්‍රපටය (2017 දෙසැම්බර් ප‍්‍රදර්ශනය ඇරඹු* ඇ.ඩො. මිලියන 46ද ‘ටොම්බ්’ චිත‍්‍රපටය ඇ.ඩො. මිලියන 8 උපයාගෙන ඇත.

‘‘සමහර විට එය චීන චිත‍්‍රපටයක්ද, නැතිනම් බටහිර චිත‍්‍රපටයක්ද යන්න ඔවුන්ට විශ්වාස කළ නොහැකිය’’

‘ටොම්බ්’ වැනි චිත‍්‍රපටයක් සදහා ඔස්ටේ‍්‍රලියානු පේ‍්‍රක්‍ෂකාගාරයේ ප‍්‍රමාණය ඒ සදහා දායක වන අයවලූන්ගේ සැලකීමට එතරම් භාජනය නොවූවත්, ඔස්ටේ‍්‍රලියාව තුළ චීන සිනමා සදහා කුඩා වෙළෙදපොළක් පවතියි. ‘ටොම්බ්’ හි ඔස්ටේ‍්‍රලියානු බෙදාහැරීම ‘ඒෂියාරිලීසිං’ නම් සමාගම විසින් සිදුකරයි. මෙම සමාගම බටහිර පුරා විසිරී සිටින චීන ප‍්‍රජාවට සේවා සපයයි. එහි ප‍්‍රධාන විධායක අධ්‍යක්‍ෂ මිල්ට් බා කියා සිටින්නේ පසුගිය දශකය තුළ, චීන සිනමා කර්මාන්තයේ වර්ධනයත් සමග, චීන ඩයස්පෝරාව තුළ, චීන චිත‍්‍රපට ස`දහා රුචිකත්වයක් ඇති වී ඇති බවයි.

නිදසුනක් ලෙස ‘වුල්ෆ් වොරියර් 2’, 2017 දී එහි ඔස්ටේ‍්‍රලියානු තිරගත කිරීම තුළින් ඇ.ඩො. මිලියන 1.4 උපයාගෙන ඇත. එය සාපේක්‍ෂව කුඩා අගයක් සේ පෙනුනත් ඔස්ටේ‍්‍රලියානු ප‍්‍රධාන ධාරාවේ සිනමා ඉපයීම් හා සංසන්දනය කිරීමේදී එය ඇත්තෙන්ම කුඩා ප‍්‍රමාණයක් නොවේ. (රොමැන්තික ප‍්‍රහසනයක් වූ ‘අලීස් වෙඩිං’ හට රගහල්වල් තුළදී උපයා ගත හැකිව තිබුණේ ඇ.ඩො. මිලියන 1 පමණි.’* ඔස්ටේ‍්‍රලියාව තුළ නිකුත් කළ චීන චිත‍්‍රපට 2017 වසරේදී බොක්ස් ඔෆ්ස් හි ආසන්න වශයෙන් ඇ.ඩො. මිලියන 5ක් උපයා තිබුණි. ඔස්ටේ‍්‍රලියාව තුළ චීන චිත‍්‍රපටවලට ඇති වෙළෙදපොළ ඉහළට යාම හේතු වන්නේ එරට උපන් චීන ජන සංඛ්‍යාවේ වර්ධනයයි. 2006 වසරේදී 1.2% වූ මෙය අද වන විට 2.2% දක්වා ඉහළ ගොස් ඇත.

‘ගාඩියන් ඔෆ් ටොම්බ්’ නැතිනම් ‘බ්ලීඩිං ස්ටීල්’ වැනි චිත‍්‍රපට සුළුවශයෙන් ඔස්ටේ‍්‍රලියානු හැඩ ගැන්වීමක් සිදුකිරීමෙන් පසු, එනම් ෂේන් ජෙකොබ්සන්ව චිත‍්‍රපටයට ගෙන ඔහු සිඞ්නි ඔපෙරාගාරයේ මුදුනේ සිට පහළට වැටීමට සැලැස්වීම ආදී දර්ශන මගින් කෙලින්ම චීන ඩයස්පෝරාව ඉලක්කගත කිරීම බෙදාහරිනනන්ගේ පරමාර්ථයයි. ‘‘මේ චිත‍්‍රපටයට බටහිර පේ‍්‍රක්‍ෂකයන්ගේ කිසිම කැමැත්තක් තිබුණේ නැහැ.’’ මෙහි ප‍්‍රධාන පරමාර්ථය වූයේ මෙල්බන් හා සිඞ්නි හි වාසය කරන චීන සිසුන්ව ආකර්ශන කරගැනීම බව බැලෝගේ පවසයි.

එසේම බාලෝ තවදුරටත් කියා සිටින්නේ ‘ටොම්බ්’ චිත‍්‍රපටය ඔස්ටේ‍්‍රලියාවේ සුළු වශයෙන් නිකුත් කිරීමත්, චීනයේදී එය අඩු වශයෙන් මුදල් ඉපයීමට හේතුව නිහඬවම පැහැදිලි කරන බවයි.‘‘ මේ සම – නිෂ්පාදන කර්යයට දිගු ගමනක් යාමට තිබෙනවා. සමහර විට මෙය චීන චිත‍්‍රපටයක්ද, බටහිර චිත‍්‍රපටයක්ද යන්න සිතාගැනීමට නොහැකි වන තරමට පේ‍්‍රක්‍ෂකයන් ව්‍යාකූල වීමට ඉඩ තිබෙනවා.’’

මෙවැනි අසාර්ථක වීම් මගහරවාගෙන, චීනයට මෙන්ම ජාත්‍යන්තරයටද ගැලපෙන පරිදි සිනමා නිර්මාණ සිදුකිරීමේ ‘උචිත ස්ථානය’ (Sweet Spot) සොයමින් හැමිල්ටන් සහ ‘ආක්ලයිට්’ සමාගම තවමත් කල්ගත කරනවා.

ඔවුන්ගේ මීළග ඔස්ටේ‍්‍රලියානුු – චීන සම නිෂ්පාදනය වන්නේ ඔස්ටේ‍්‍රලියානු අධක්‍ෂක පිලිප් නොයිස් අධ්‍යක්‍ෂණය කිරීමට බලාපොරොත්තු වන ‘කිලර් 10’ චිත‍්‍රපටයයි. එහිදී මෙම ‘යෝග්‍ය ස්ථානය’ සොයා යාමට ඔවුන් බලාපොරොත්තුවේ. රණකාමී කථාංගයක් තිබුණත් ‘වුල්ෆ් වොරියර් 2’ හි මෙන් මෙම චිත‍්‍රපටයේ වර්තමනා භූ දේශපාලනය අනුනාද කරන දර්ශන කිසිවක් අඩංගු නොවේ. මෙය චීනුන් සහ ඇමරිකානුවන් සහයෝගයෙන් යුතුව එක් පක්‍ෂයක් වෙනුවෙන් සටන් කළ ,2වන ලෝක යුද්ධ සමය දර්ශනය කරන ලොව ප‍්‍රථම චිත‍්‍රපටය ලෙස නිකුත් කිරීමට හැමිල්ටන් සූදානම්වේ. මෙම චිත‍්‍රපටය ස`දහා විවිධත්වයෙන් යුත් ප‍්‍රබල චීන, ඇමරිකානු හා ඔස්ටේ‍්‍රලියානු සිනමා තරු රැසක් යොදාගැනීමට ඔහු අපේක්‍ෂාකරයි.

මේ අතර අනාගත සම නිෂ්පාදන කර්මාන්තය පිළිබද ඔහු ධනාත්මකව කථා කරයි. ‘‘අපි මෙතෙක් දුටුවේ එතරම් සාර්ථක නොවුන සම නිෂ්පාදන නිර්මාණ ඒනිසා මෙම සම නිෂ්පාදනයක් ඇමරිකාව වගේම චීනයත් එකිනෙකාගේ අනුගාමිකයන් ලෙස කටයුතු කරනවා. එනිසා මෙම සම නිෂ්පාදනයන් ඇමරිකාව හා චීනය තුළ දැවැන්ත ලෙස සාර්ථක වූ මොහොතේ පටන්ම අන් සියලූ දෙනාම එහි සාර්ථකත්වයේ රහස අනුගමනය කරාවිග අපි මේ දකින්නේ එහි ආරම්භයයි.’’