නස්රා – ගලගෙදර
2019 මැයි මස 19 වන දින රාවය 11වන පිටුවේ කුරාණයේ තිබෙන්නේ එසේමද? යන මාතෘකාවෙන් පළවූ ලිපිය සඳහා ඉම්තියාස් වහබ් යන පාඨකයා විසින් මැයි 31වන දින රාවය 03වන පිටුවේ කුරාණයේ තිබෙන්නේ එසේමය යන මාතෘකාවෙන් පැහැදිලි පිළිතුරක් සපයා තිබුණි. එම පිළිතුරු ලිපියට වැඩිමනක් වශයෙන් අත්‍යවශ්‍ය කරුණු කීපයකි මේ.
අද අප සතු පරිපූර්ණ අල් කුරාණය පහළවීමට වසර 23ක් ගතවූ අතර නබි මුහම්මද් තුමානන් මෙලෙස ක‍්‍රමක් ක‍්‍රමයෙන් පහළවන අල් කුරාණ පාඨ පිළිබඳ නිරන්තරයෙන් තම අනුගාමිකයන් හා නෑදෑ හිතමිතුරන් දැනුවත් කිරීමටත්, පැහැදිලි කිරීමටත් කටයුතු කළේය. මෙම වසර 23ක කාලයෙන් පුරා වසර 13ක කාලයක් නබි මුහම්මද් තුමානන් සහ අනුගාමිකයන් තම උපන් බිම වන මක්කා නගරයේ ජීවත්වූහ. එම කාලවකවානුව තුළ ඉස්ලාම් දහම සහ එහි ඉගෙන්වීම් පිළිපැ¥ සුළුතරයට ඉස්ලාම් දහමට විරුද්ධවූ බහුතරය විසින් නිරන්තරයෙන් තාඩන පීඩන එල්ලවූ අතර පිරිසකට තම ජීවිතයෙන් පවා වන්දි ගෙවීමට සිදුවිය.


මෙම කාලය තුළ මුස්ලිම් ජනයා මුස්ලිම් නොවන ජන කොට්ඨාසය සමග ජීවත්විය යුතු ආකාරය පිළිබඳ පැහැදිලි කරන අල් කුරාණ වැකි පහළවූ අතර අල් කුරාණයේ 60 වෙනි පරිච්ෙඡ්දයේ 7 වෙනි සහ 8 වෙනි පාඨවල පරිවර්තනය පහත පරිදි උපුටා දක්වමි.


නුඹලා අතර හා නුඹලා කවරෙකුට සතුරුකම් පාන්නේ ද ඔවුන් අතර හිතවත්කමක් ඇති වීම අල්ලාහ්ගේ බලාපොරොත්තුව විය හැකිය. අල්ලාහ් අති බල සම්පන්නය. තවද අල්ලාහ් අති ක්ෂමාශීලීය පරම කරුණාහරිතය. ” (60:7)


”දහම වෙනුවෙන් නුඹලා හා සටන් නොකළවුන්ට ද නුඹලාගේ නිවෙස් වලින් නුඹලාව බැහැර නොකළවුන්ට ද යහපත කිරීම හා යුක්ති ගරුකව කටයුතු කිරීමෙන් අල්ලාහ් නුඹලාව වළක්වන්නේ නැත. සැබැවින්ම අල්ලාහ් යුක්ති ගරුකව කටයුතු කරන්නන්ව ප‍්‍රිය කරන්නේය. ” 60:8)


ඉහත අල් කුරාණ වැකිවලට අනුව අල් කුරාණය ඉස්ලාම් දහම පිළිනොගන්නා ඉස්ලාම් නොවන ජන කොට්ඨාසය වර්ග දෙකක් ලෙස බෙදා විග‍්‍රහ කරයි.


ඉන් එක් කොට්ඨාසයක් මුස්ලිම් සමාජයට හතුරුකම් නොකරන, ඔවුන්ට තාඩන පීඩන නොකරන සාමකාමී ජීවිතයක් ගත කරන පාර්ශ්වයයි. ලාංකීය මුස්ලිම් නොවන බහුතර පිරිසක් මෙම සාමකාමි ජන කොට්ඨාසයට අයත් නිහතමානි පිරිසක්වේ. අනෙක් පාර්ශ්වය වන්නේ ඉහත කරුණුවලට ප‍්‍රතිවිරුද්ධ ක‍්‍රියාවන්වල නිරත වෙමින් මුස්ලිම් ජනයාට අකටයුතුකම් කරන මුස්ලිම් නොවන පිරිසයි.


ඉහත මා උපුටා දක්වා ඇති 60ථ8 අල් කුරාණ් පාඨයට අනුව මුස්ලිම් සමාජයත් සමග වෛර නොබැඳ සාමයෙන් සහ සහජීවනයෙන් එකාමෙන් කරුණාවෙන් සහ මෛත‍්‍රියෙන් ජීවත් වන මුස්ලිම් නොවන ප‍්‍රජාව සමග මුස්ලිම්වරුන් ආදරයෙන් සහ කරුණාවෙන් ඔවුන් හට උදවි උපකාර කරමින් සාමකාමී ලෙස ජීවත් විය යුතු බවයි සඳහන් වන්නේ.
ඉහත සඳහන් අල් කුරාණ වැකියේ මුස්ලිම්වරුන් සමග සාමකාමි ජීවිතයක් ගත කරන මුස්ලිම් නොවන ප‍්‍රජාවට උදව් උපකාර කරමින් ජීවත්වන ලෙස අල් කුරාණය පවසන්නේද බිර් යන වචනය භාවිතා කරමින්ය. ඒ තුළින් අපට මනාව පැහැදිලි වන්නේ ජාතීන් අතර සමගියෙන් සහ සහජීවනයෙන් ජීවත් වීම යන කරුණ පිළිබඳ වඩා නිවැරැුදි හා කදිම මග පෙන්වීමක් ඉස්ලාම් දහම තුළින් ලබා දී ඇති බවයි.


එනමුත් කිසියම් පිරිසක් හෝ කිසියම් කණ්ඩායමක් මුස්ලිම්වරුන්ව ඉලක්ක කරගනිමින් පදනම් විරහිතව, නිකරුනේ ප‍්‍රශ්ණ ඇති කරයි නම්, හිරිහැර වද හිංසා කරයි නම් තම ආත්මාරක්ෂාව සඳහා ඒ අයට විරුද්ධව නැගී සිට කටයුතු කිරීම සමාන්‍ය මිනිස් අයිතිවාසිකමක් වනවා නිසැකයි. උදාහරණයකට ඔබ ජීවත්වන නිවසට පිරිසක් අනවසරයෙන් කඩා පැන ඔබට පහර දී ඔබගේ වත්කම් මංකොල්ල කෑමට උත්සහ කරයි නම් එම අවස්ථාවේ ඔබ ගන්නා ක‍්‍රියාමාර්ගය කුමක් ද? එවන් අවස්ථාවක ඔබ ප‍්‍රචණ්ඩත්වයට එරෙහි සාමකාමී පුද්ගලයෙකු යෙයි පවසා නිහඬව සිටිනවාද? එම පුද්ගලයාට හො පිරිසට එරෙහිව ඔබ සටන් කළ පමණින් ඔබ ත‍්‍රස්ථවාදියෙකු වෙනවාද? එම සාපරාධි ක‍්‍රියාවට විරුද්ධව ඔබ සටන් කළ යුතු නොවේ ද? එවන් අවස්ථාවකට මුහුණ දෙන මුස්ලිම් හෝ මුස්ලිම් නොවන සෑම පුද්ගලයෙකුම තම ආරක්ෂාව සඳහා සටන් කළ යුතුමයි.


මෙවන් පසුබිමක් හෝ සන්දර්භයක් සහිත අල් කුරාණයේ 9 වෙනි පරිච්ෙඡ්දයේ 5 වෙනි සහ 29 වෙනි වැකි 2019 මැයි මස 19 වන දින රාවය 11වන පිටුවේ කුරාණයේ තිබෙන්නේ එසේමද? යන මාතෘකාවෙන් පළවූ ලිපියේ උපුටා දක්වා තිබිණ. එම අල් කුරාණ වැකිවල පර්වර්තනය පහත පරිදි උපුටා දක්වමි.


ර්‍ණශුද්ධ වූ මාසයන් ඉක්ම වූ පසු (නුඹලා සමග යුද වැදී සිටින) ආදේශකයින්ව නුඹලා දුටු තැන මරා දමවු. තවද ඔවුන්ව අල්ලා ගනිවු. තවද ඔවුන්ව වටලා ගනිවු. නුඹලා සෑම විපරමින් සිටිය යුතු ස්ථානයකම ඔවුන් වෙනුවෙන් (සැඟවී* වාඩිවී සිටිවු. එවිට ඔවුන් (ප‍්‍රතික්ෂේපයෙන් ඉවත්වී) පස්චාත්තාප වී සලාතය ස්ථාපිත කර සකාතය ද ලබා දුන්නේ නම් ඔවුන්ගේ මගෙහි ඔවුන්ව අතහැර දමවු. සැබවින්ම අල්ලාහ් අති ක්ෂමාශීලීය පරම කරුණාහරිතය.” (9:5)
ර්‍ණධර්ම පුස්තකය ලත් අය අතුරින් (යුදෙව් සහ ක‍්‍රිස්තියාණි) කවුරුන් අල්ලාහ්ව හා පරමාන්ත දිනය විශ්වාස නොකරන්නේ ද අල්ලාහ් හා ඔහුගේ වක්තෘවරයා තහනම් කළ දෑ තහනම් ලෙස නොගන්නේ ද සත්‍ය දහම (ඉස්ලාමය) දහමක් ලෙස පිළිනොගන්නේ ද ඔවුන් (ස්ව කැමැත්තෙන්) යටත් වූවන් ලෙස දෑතින් ජිස්යා (නම් බද්ද) ලබා දෙන තෙක් ඔවුන් සමග නුඹලා යුද වදිවු.” (9:29)


අල් කුරාණයේ 9 වෙනි පරිච්ෙඡ්දය යටතේ සඳහන්ව ඇති ඉහත සඳහන් පාඨ දෙක මුස්ලිම් නොවන ප‍්‍රජාව අතර දැඩි විවේචනයට හා දෝශ දර්ශයට ළක්වී ඇති බව නොරහසකි. ඊට මූලිඛ හේතුව වන්නේ ඉස්ලාම් විරෝධි බලවේග විසින් මෙම පාඨ දෙක පමණක් උපුටා දක්වමින් එම පාඨවල සංදර්භය පිළිබඳ පැහැදිලි කිරීමක් නොකරමින් ඉස්ලාම් දහම පිළිබඳ වැරැුදි ආකල්පයක් ලොව වටා නිර්මාණය කිරීමේ අරමුණින් ක‍්‍රියා කිරීමයි.


මා කලින් සඳහන් කළ පරිදි මෙම වැකිවල අර්ථය හා අරමුණ පැහැදිලි කර ගැනීමට නම් මෙම වැකි පහළවූ කාලය, පරිසරය හා සංදර්භය පිළිබඳ පැහැදීමක් තිබිය යුතුයි. මෙම වැකිවලට එම සංදර්භයෙන් පිටතට ගොස් අර්ථනිරූපන දැක්වීමේ දී එම වැකිවල නිවැරැුදි අදහස්වලට හානි සිදුවේ. එම නිසාවෙන් මෙලෙස වැරැුදි ආකාරයෙන් අර්ථනිරූපනය කෙරෙන අල් කුරාණ වැකි එම වැකි පහළවූ සංදර්භය තුළ සිට පැහැදිලි කිරීමට මුස්ලිම් ආගමික විද්වතුන් පියවර ගත යුතුයි.


නබි මුහම්මද් තුමානන් මක්කා නගරය අතහැර දමා සාමකාමී ජීවිතයක් ගත කිරීම සඳහා මදීනා නගරයට සංක‍්‍රමණය වූ නමුත් ඉස්ලාම් විරෝධි මක්කා වැසියන්ගෙන් මුස්ලිම්වරුන්ට විරුද්ධව දිගින් දිගටම ප‍්‍රහාරයන් දියත් විය. මෙම තත්වය උඩ මක්කා වැසියන් සහ මදීනා වැසියන් අතර නිරන්තරයෙන් යුධ ගැටුම් ඇතිවන්නට විය.මෙම යුද ගැටුම්වලට මූලිඛ හේතුව වූයේ මක්කා වැසියන්ගේ ළඟම ඥාතීන්, පවුලේ සාමාජිකයන් සහ හිත මිතුරන් ඇතුළු බොහෝ පිරිසක් ඉස්ලාම් දහම වැළඳ ගැනීමත් සමග මක්කා වැසියන් තුළ ඇතිවූ කොපය හා වෛරයයි. අල් කුරාණ වැකි පහළ වූයේ වූයේ මක්කා නගරයේ සිට මුස්ලිම් විරෝධී දස දහසක පිරිසක් සහිත යුද සේනාවක් මුස්ලිම්වරුන්ව සහමුලින්ම ඝාතනය විනාශ කර දැමීමට මදීනා නගරය බලා පිටත් වී ඇති බවට තොරතුරු ලද විගසය.


එම අවස්ථාවේ දී මදීනා නගරයේ සිටියේ මුස්ලිම්වරු 3000ක් පමණි. එනමුත් මක්කාවෙන් පිටත්වී පැමිණෙන සේනාවේ 10000ක් සිටින බව දැනගත් මදීනා වැසියන් කම්පණයට පත්ව සිටි අවස්ථාවේ දී සර්ව බලධාරි අල්ලාහ් දෙවියන් විසින් ඔවුන්ගේ සිත් දෛර්යමත් කිරීම උදෙසා මෙම අල් කුරාණ පාඨ දෙක පහළ කරන්නට විය. මෙම වැකිවල සඳහන් වන්නේ එලෙස අල්ලාහ් දෙවියන් විසින් මදීනා වැසියන් දිරිගැන්වූ ආකාරයයි.


අවසාන වශයෙන් මා එක් කරුණක් දෙස ඔබගේ අවධානය යොමු කරවීමට කැමැත්තෙමි. මක්කා වැසියන්ගේ කෘර වදහිංසා නිසා තම උපන් බිම අතහැර මදීනා නගරයට සංක‍්‍රමණය වූ මුහම්මද් තුමානන් සහ මුස්ලිම්වරුන් මදීනා නගරයේ වසර 8ක කාලයක් ජීවත්වූ අතර එම කාලය තුළ යුධ ආක‍්‍රමණයන් කීපයකටම මුහුණ දීමෙන් පසු මක්කා නගරයට ඔවුන් යළි ඇතුළු වන්නේ කිසිඳු යුධ ගැටුමකින් තොරවයි. එම අවස්ථාවේ මුස්ලිම්වරුන් දස දහසක් පමණ ශක්තිමත් ප‍්‍රබල කණ්ඩායමක් ලෙසින් මක්කා නගරයට ඇතුළුවීමත් සමග මක්කා වැසියෝ පසුබසින්නට වූහ.


එම අවස්ථාවේ මුස්ලිම්වරුන්ට මුස්ලිම් විරෝධී මක්කා වැසියන් ඝාතනය කර දැමීමටත් ඔවුන්ගෙන් පළිිගැනීමටත් අවශ්‍ය ශක්තිය සහ වටපිටාව මනාව තිබුණ නමුත් ඔවුන් එසේ මක්කා වැසියන්ට විරුද්ධව කටයුතු නොකිරීම විශේෂයෙන් සඳහන් කළ යුතු කරුණක් වේ.


තමන්ගෙන් මුස්ලිම්වරුන් පළිගනීවියැයි සිතා බියෙන්් සැකෙන් පසුවූ එම මක්කා වැසියන්ට මුස්ලිම්වරුන් සමාව දීමට කටයුතු කළ අතර ඔවුනට මක්කා නගරයේ නිදහසේ ජීවත්වීමේ අයිතිය ද තහවුරු කළිිිහ. ඔවුනට අවශ්‍යවූයේ මුස්ලිම්වරුන් පමණක් ජීවත්වන රාජ්‍යයක් නොව මුස්ලිම් නොවන පිරිස ද ජීවත් වන සාමකාමී රාජ්‍යයයි.


මුස්ලිම්වරුන් සාමය පතන පිරිසක් බව පසක් කරන ඉතිහාසයේ සුවිශේෂී අවස්ථාවක් මා මෙලෙස සඳහන් කරන්නම්. නබි මුහම්මද් තුමානන්ගේ පියාගේ සහෝදරයෙකු වූ හම්සා එවකට මුස්ලිම් විරෝධී සටන ඉතා දැඩි ලෙස ඉදිරියට ගෙන ගිය අබූ සුෆ්යාන් නැමැත්තාගේ බිරිඳවන හින්දා නැමැත්තිය විසින් ඉතා කුරිරු ලෙස ඝාතනය කරන ලදී. අධික මිල මුදල් ලබා දී කුලී ඝාතකයෙකු විසින් මරා දමන ලද හම්සා තුමන්ගේ නාසය සහ කන් කපා මාලයක් සාදා පැළඳගත්් ඇය ඔහුගේ උදරය කපා ඔහුගේ අක්මාව පිටතට රැුගෙන සපා කමින් ඇය තුළ වූ වෛරය පිරිමසන්නට විය.


මක්කා ජයග‍්‍රහණයේ දී හම්සා තුමන්ගේ අක්මාව සපා කෑ හින්ද් ජීවතුන් අතර සිටියාය. මුස්ලිම්වරුන්ගේ සේනාව ඉදිරියේ මක්කා වැසියන් සටනකින් තොරව බසු බැස යන්නට වූහ. මෙවන් අවස්ථාවක නබි මුහම්මද් තුමානන්ට තම පියාගේ සහෝදරයා කෘර ලෙස ඝාතනය කළ ඇයගෙන් පලිගැනීමට අවශ්‍ය සියලූ හැකියාවන් නො අඩුව තිබුණ නමුත් ඇයට මෙන් මුස්ලිම් විරෝධීන් සියල්ලන්ටම නබි මුහම්මද් තුමානන් සමාව දීමට කටයුතු කළේය.
එනම් කිසියම් පිරිසක් :9ථ50 හා :9ථ29) යන අල් කුරාණ පාඨ දෙක උපුටා දක්වමින් ප‍්‍රචන්ඩකාරි ක‍්‍රියාවන්වල නිරත වන්නේ නම් ඔවුන්ගේ එම ක‍්‍රියාවන් සඳහා අල් කුරාණයේ හෝ ඉස්ලාම් දහමේ කිසිඳු පදනමක් නොමැති බවත් ඔවුන් අල් කුරාණය හෝ ඉස්ලාම් දහම පිළිබඳව ගැඹුරු දැනුමක් නොමැති පිරිසක් වන අතර ඔවුන් අල් කුරාණය හා ඉස්ලාම් දහම නිසි ලෙස අධ්‍යයනය නොකළ පිරිසක් බවත් අප තේරුම් ගතයුතුයි.


පසුගිය අපේ‍්‍රල් පාස්කු ඉරිදා දින සිදුකරන ලද මිලේච්ඡු ත‍්‍රස්ථවාදී ප‍්‍රහාරය හා ඉහත උපුටා දක්වන ලද අල් කුරාණ පාඨ දෙක අතර කිසිඳු සම්බන්ධතාවයක් නොමැති බව සක්සුදක්සේ පැහැදිලි වේ.


ලාංකීය සමාජය තුළ ජීවත් වන මුස්ලිම්වරුන් අතුරින් 99.9%ක් ම සංහිඳියාව පතන, බහුතර සමාජයත් සමග සහෝදරත්වයෙන් සාමකාමිව ජීවත්වන පිරිසකි. මෙම කඩාකප්පල්කාරී ක‍්‍රියාව අප මුස්ලිම් සමාජය පිළිකුල් සහගත ක‍්‍රියාවක් ලෙසයි සලකන්නේ. එබැවින් :9ථ5* හා :9ථ29) යන අල් කුරාණ වැකි ලාංකීය ජන සමාජයට කිසිසේත් අදාල නොවන බව පැහැදිලි වේ.